आपल्या वेबसाईटला भेट दिल्याबद्दल आपले मनोमन आभार! लवकरच आपल्या दुकानातील सर्व साहित्याच्या याद्या आपणास आवश्यक फोटो व डेमोसह उपलब्ध करून दिल्या जातील. सर्व साहित्य पोस्टाने व कुरियरने पाठवण्याची मोफत सुविधा उपलब्ध असल्याने आमचे ग्राहक संपूर्ण महाराष्ट्रातून घरबसल्या खरेदी करू शकतात! आपण तर लाभ घ्याच पण सोबतच आपल्या सर्व मित्रपरिवाराला व प्रियजनांना देखील आपल्या वेबसाईटबद्दल माहिती द्यावी ही नम्र विनंती. आपलेच : विजय स्टोअर्स - शैक्षणिक साहित्याचे माहेरघर!!! अधिक माहितीसाठी आम्हाला 8275336780 किंवा 9404328832 या क्रमांकावर संपर्क साधावा. आम्ही आपल्या सेवेस सदैव तत्पर आहोत. तुमच्यासाठी काही पण! विजय स्टोअर्स - सर्वोत्तम शिक्षणासाठी आग्रही!

आंजर्लेच्या खाडीला लागून असलेल्या डोंगररांगामधून प्रवास करून खालच्या बाजूस आल्यावर समोरच मुरुडचा समुद्र किनारा दिसतो. समुद्र शांत असला तर या ठिकाणी लहान तराफ्यातून जावून डॉल्फीनची जलक्रीडा पाहता येते. सकाळच्या वेळी या भागात 'सी गल' पक्षांचे थवे कॅमेऱ्यात कैद करता येतात. सकाळच्या स्वच्छ सुर्यप्रकाशात समुद्राच्या फेसाळणाऱ्या लाटांच्या पार्श्वभूमीवर किनाऱ्यावरून उंच झेपावणाऱ्या पक्षांचे मनोहारी दृष्य पाहायला मिळते.

मुरुड गावाकडे जाणारा रस्ता दाट झाडीतूनच जातो. खाडी ओलांडून जातांना विविधरंगी पक्ष्यांचे दर्शन घडते. हे थोर समाजसुधारक धोंडो केशव कर्वे यांचे गाव. गावात शिरताच डाव्या बाजूस त्यांच्या अर्धाकृती पुतळ्याचे दर्शन घडते. थोडे पुढे जाऊन वळल्यावर समुद्राकडे जाणारा रस्ता आहे. दोन्ही बाजूला असणाऱ्या उंचच उंच नारळ-पोफळीच्या झाडीतून किनाऱ्याकडे जाताना मजा वाटते. रस्त्याला लागूनच दुर्गादेवीचे पुरातन मंदिर आहे. विस्तीर्ण समुद्र किनाऱ्यावर क्रीकेट किंवा फुटबॉल खेळायला पर्यटकांना आवडते. किनाऱ्यावरील स्टॉलवर क्रीडा साहित्य भाड्याने देण्याची व्यवस्था आहे. या परिसरात आने 'बीच रिसॉर्ट' पर्यटकांच्या सेवेसाठी सज्ज आहेत. सोबतच निवास-न्याहरी योजने अंतर्गत घरगुती राहण्याची व्यवस्थाही बऱ्याच ठिकाणी आहे.